Otellərdə təklif olunan Wi-Fi ilk növbədə qonaqların rahatlığı üçün yaradılır, onların məlumatlarının qorunması üçün yox. Bu gün internet olmadan səyahəti təsəvvür etmək demək olar ki, mümkün deyil: bir çox insan otelə çatan kimi smartfonunu çıxarıb mesajları və sosial şəbəkələri yoxlayır.

Lent.az xarici mediaya istinadən xəbər verir ki, mütəxəssislər otel Wi-Fi-na qoşulmağın şəxsi məxfilik və məlumat təhlükəsizliyi baxımından riskli ola biləcəyi barədə xəbərdarlıq edirlər.

Otellərdə Wi-Fi-ın əsas real məqsədi qonaqlara smartfon, noutbuk və ya digər cihazlardan tez bir zamanda internetə çıxış imkanı verməkdir. Bu isə o deməkdir ki, belə şəbəkələr adətən kifayət qədər qorunmur və hakerlər üçün asan hədəfə çevrilir.

Müasir avadanlıq və etibarlı qoruma ilə təmin olunan ev internetindən fərqli olaraq, otel şəbəkələri minimal təhlükəsizlik tədbirlərinə malik olur, bəzən isə ümumiyyətlə qorunmur. Hətta parol tələb olunsa belə, o, adətən bütün qonaqlar üçün əlçatan olur və real şifrələmə təmin etmir. Daha bir geniş yayılmış risk isə odur ki, cinayətkarlar otelin rəsmi Wi-Fi şəbəkəsinə bənzəyən saxta giriş nöqtələri yaradır. Bu cür saxta şəbəkələr etibarlı görünərək qonaqları aldada və hakerlərə internet trafiki ilə birlikdə şəxsi məlumatları ələ keçirməyə imkan verə bilər.

Mütəxəssislər mümkün olduqca otel Wi-Fi-dan ümumiyyətlə istifadə etməməyi tövsiyə etsələr də, reallıqda bəzən yenə də qoşulmaq məcburiyyəti yaranır. Belə hallarda cihazınızı əvvəlcədən qorumaq məsləhətdir. Məsələn, VPN istifadə etmək, həmçinin bütün cihazlarda təhlükəsizlik yeniləmələrini, antivirusu və təhlükəsizlik divarını aktiv saxlamaq.скачать dle 11.3