Suriyada yeni valyuta tədavülə buraxılacaq

"Suriyanın yeni valyutası dövriyyəyə buraxılacaq və bu, yeni iqtisadi mərhələ olacaq".
 
Median.Az xəbər verir ki, bunu Suriya Mərkəzi Bankının sədri Əbdülqadir əl-Hasriya deyib.

"Yeni Suriya valyutası azadlıqdan sonra maliyyə suverenliyimizin simvoludur, Suriya Mərkəzi Bankının idarəetməsi və hər kəsin əməkdaşlığı ilə qurulan yeni mərhələnin başlanğıcını göstərir. Bu, azadlıq anından bəri əldə edilən nailiyyətlərə əlavə olaraq, milli uğur, sabitlik və iqtisadi bərpa yolunda atılmış möhkəm addım olacaq", - deyə o vurğulayıb.
 
Əl-Hasriya qeyd edib ki, yeni valyutanın detalları dekabrın 28-də keçiriləcək iclas zamanı açıqlanacaq./unikal.az