2025-ci ilin yanvar-sentyabr ayları üzrə ölkə üzrə dövlət sektorunda ortaaylıq nominal əməkhaqqı 1059.7 manat təşkil edib. Bu göstərici əvvəlki ilin müvafiq dövründəki 952.3 manat səviyyəsi ilə müqayisədə 11.3 faiz artım deməkdir. Hesabat dövründə ölkə üzrə qeyri-dövlət sektorunda ortaaylıq nominal əməkhaqqı 1115.1 manat olub və bu rəqəm əvvəlki ilin eyni dövrünə (1035.2 manat) nisbətdə 7.7 faiz artım göstərib.

İqtisadi rayonlar üzrə ən yüksək əməkhaqqı Bakıda qeydə alınıb.

Bakı şəhərində dövlət sektorunda ortaaylıq nominal əməkhaqqı 1376.1 manat təşkil edib və bu, əvvəlki ilin müvafiq dövrünə nəzərən 12.8 faiz artım deməkdir. Qeyri-dövlət sektorunda ortaaylıq nominal əməkhaqqı isə 1349.6 manat təşkil edib və əvvəlki ilə nisbətən 5.7 faiz səviyyəsində artım qeydə alınıb.

2025-ci ilin yanvar-sentyabr aylarında muzdla çalışan işçilərin ortaaylıq nominal əməkhaqqı ölkə üzrə əvvəlki ilin eyni dövrü ilə müqayisədə 9.5 faiz artaraq 1087.7 manat təşkil edib. Bakı şəhəri üzrə isə artım 8.6% olmaqla ortaaylıq əməkhaqqı 1360.4 manata çatıb.
//oxu.azскачать dle 11.3