Dünyanın ən yaxşı şəhərləri açıqlandı

Böyük Britaniyanın paytaxtı London yenidən “dünyanın ən yaxşı şəhəri” elan edilib.
 
Reytinq beynəlxalq məsləhət şirkəti “Resonance Consultancy” tərəfindən açıqlanıb. Araşdırma zamanı dünya üzrə 270 şəhər qiymətləndirilib və onların arasından 100 böyük metropol seçilərək 2026-cı il üçün “Dünyanın ən yaxşı şəhərləri” siyahısı hazırlanıb.
 
Qiymətləndirmə mədəniyyət, iqtisadi potensial, həyat keyfiyyəti, turizm və investisiya imkanları kimi göstəricilərə əsaslanıb. Hesabatda qeyd olunur ki, “London tələbələrdən sahibkarlara, turistlərdən qlobal şirkətlərə qədər fərqli qrupları cəlb edən gücünü qoruyur. Şəhərin pandemiyadan sonrakı bərpası, 2024-cü ildə xarici ziyarətçilərin 22 milyard dollarlıq xərcləri ilə özünü göstərdi”. London ardıcıl 11-ci dəfə siyahının zirvəsinə yüksəlib. Paytaxt 34 alt kateqoriyadan üçündə birinci yeri tutaraq rifah, yaşayış keyfiyyəti və cəlbedicilik göstəricilərində rəqiblərini geridə qoyub. Mütəxəssislərə görə, şəhərin infrastruktur layihələri və davamlı nəqliyyat sistemi Londonun mövqeyini daha da gücləndirib.
 
2026-cı ilin “ən yaxşı şəhərləri” aşağıdakı ardıcıllıqla qeyd olunub: 1. London (Böyük Britaniya) 2. Nyu-York (ABŞ) 3. Paris (Fransa) 4. Tokio (Yaponiya) 5. Madrid (İspaniya) 6. Sinqapur 7. Roma (İtaliya) 8. Dubay (BƏƏ) 9. Berlin (Almaniya) 10. Barselona (İspaniya) Mütəxəssislər qeyd ediblər ki, London mədəni müxtəlifliyi, güclü iqtisadiyyatı, turizm potensialı və davamlı inkişaf strategiyası sayəsində 2026-cı ildə də “dünyanın ən yaşanılan şəhəri” adına layiq görülüb.
//sfera.az