Alimlər Altsheymer xəstələrinin yaxınlarını unutmalarının səbəbini tapıblar
Virciniya Universitetinin Tibb Məktəbinin alimləri Altsheymer xəstəliyindən əziyyət çəkən insanların niyə yaxınlarını tanımaq qabiliyyətini itirdiklərinə dair mümkün izah tapıblar.
Müvafiq araşdırma "Alzheimer"s & Dementia" jurnalında dərc olunub.
Tədqiqatçıların fikrincə, bu halın səbəbi sosial xatirələrin yadda saxlanmasına cavabdeh olan beyin strukturlarının - qoruyucu neyron şəbəkələrinin dağılmasıdır.
Bu strukturlar hippokampın CA2 neyronlarını əhatə edən perineyronal şəbəkələrdir. Onlar hüceyrələrarası matrisdən ibarətdir və neyronlar arasında sabit əlaqə saxlayaraq, tanış insanları xatırlamaq və yeni sosial xatirələr formalaşdırmaq qabiliyyətini təmin edir.
Alimlər siçanlar üzərində apardıqları təcrübələrdə göstəriblər ki, bu şəbəkələr zədələndikdə heyvanlar tanış fərdləri bir-birindən ayırd edə bilmirlər, baxmayaraq ki, obyektləri yadda saxlama qabiliyyətləri qorunur. Daha sonra komanda bu strukturları dağıdılmadan qoruyan preparatları sınaqdan keçirib - nəticədə, müalicə olunan siçanlar sosial yaddaşlarını saxlayıblar.
Qeyd edilir ki, bu kəşf Altsheymer xəstəliyinin profilaktikası və müalicəsi üçün yeni imkanlar açır.
Müvafiq araşdırma "Alzheimer"s & Dementia" jurnalında dərc olunub.
Tədqiqatçıların fikrincə, bu halın səbəbi sosial xatirələrin yadda saxlanmasına cavabdeh olan beyin strukturlarının - qoruyucu neyron şəbəkələrinin dağılmasıdır.
Bu strukturlar hippokampın CA2 neyronlarını əhatə edən perineyronal şəbəkələrdir. Onlar hüceyrələrarası matrisdən ibarətdir və neyronlar arasında sabit əlaqə saxlayaraq, tanış insanları xatırlamaq və yeni sosial xatirələr formalaşdırmaq qabiliyyətini təmin edir.
Alimlər siçanlar üzərində apardıqları təcrübələrdə göstəriblər ki, bu şəbəkələr zədələndikdə heyvanlar tanış fərdləri bir-birindən ayırd edə bilmirlər, baxmayaraq ki, obyektləri yadda saxlama qabiliyyətləri qorunur. Daha sonra komanda bu strukturları dağıdılmadan qoruyan preparatları sınaqdan keçirib - nəticədə, müalicə olunan siçanlar sosial yaddaşlarını saxlayıblar.
Qeyd edilir ki, bu kəşf Altsheymer xəstəliyinin profilaktikası və müalicəsi üçün yeni imkanlar açır.
