Tramp Rusiyanın "Burevestnik" raketlərinin sınaqlarına münasibət bildirib

Rusiya bilir ki, ABŞ düz onun sahillərinə atom sualtı qayığı göndərib. ABŞ Prezidenti Donald Tramp Rusiya Silahlı Qüvvələrinin "Burevestnik" (fırtınaquşu) raketinin sınaqdan keçirilməsinə bu şəkildə münasibət bildirib.

Median.Az Ağ Evin "YouTube" kanalına istinadla xəbər verir ki, bunu Tramp jurnalistlərlə söhbətində bəyan edib.

"Onlar bilirlər ki, bizdə dünyanın ən yaxşı atom sualtı qayığı var və bu atom qayığı birbaşa onların sahilləri yaxınlığındadır. Odur ki, bizim 8 min mil uçmağımıza heç ehtiyac yoxdur", - deyə o vurğulayıb.

Tramp avqustun 1-də bildirib ki, Rusiya Təhlükəsizlik Şurası sədrinin müavini Dmitri Medvedevin nüvə mövzusunda təxribatçı bəyanatlarına cavab olaraq iki atom sualtı qayığını müvafiq rayonlara yönləndirmək əmri verib. ABŞ Prezidenti, həmçinin diqqətə çatdırıb ki, Medvedev sözlərinə diqqət etsə, daha yaxşı olar. Belə ki, bu rusiyalı siyasətçi hələ də özünü Rusiyanın prezidenti hesab edir.

Xatırladaq ki, Medvedev öz postlarında qeyd edib ki, ABŞ prezidenti Rusiya ilə "ultimatum oyunu" oynayır, amma o anlamalıdır ki, Rusiya tərəfi nə İsraildir, nə də İran. Üstəlik, hər bir yeni ultimatum Moskva tərəfindən təhdid və Birləşmiş Ştatlarla "müharibəyə doğru addım" kimi qəbul edilir. O, Trampa məsləhət görüb ki, ABŞ-nin sabiq prezidenti Co Baydenin yerişini yeriməsin.скачать dle 11.3

Şahidi olduğunuz hadisələri çəkib bizə göndərin!