Rusiyalı alpinistlər qrupu Nepalda, Manaslu zirvəsində çətin durumda qalıblar.
Bu barədə məlumatı "Life SHOT" yayıb.
Məlumatda deyilir: "Alpinistlər artıq bir neçə gündür 8163 metr yüksəklikdən enə bilmirlər".
Bildirilir ki, Andrey Vasilyevin rəhbərliyi ilə beş alpinist oktyabrın 22-də Manaslu zirvəsinə qalxıb. Onlar bu yolu yeni marşrutla beş günə qət ediblər. Lakin şiddətli külək və güclü qarla müşayiət olunan əlverişsiz hava şəraiti onların enməsinə imkan vermir.
Vasilyevin komandası plato boyunca piyada 7100 metr yüksəkliyə qədər enməyi, sonra isə Avstriya marşrutuna çıxmağı planlaşdırırmış, lakin görüntünün pis olması səbəbindən yalnız kiçik bir məsafəni qət edə bilib. Xoşbəxtlikdən, alpinistlər yerli xilasetmə xidməti ilə əlaqə saxlayaraq kömək istəyə biliblər. Onların sözlərinə görə, artıq gücləri tükənmək üzrədir.
Şahidi olduğunuz hadisələri çəkib bizə göndərin!
Son Əlavə