Paytaxtın Qaradağ rayonunda 16 yaşlı qızın 25 yaşlı şəxslə evləndirilməsi üçün görülən toy hazırlığının qarşısı polis əməkdaşları tərəfindən dayandırılıb.

Bununla bağlı oxu.az-a Daxili İşlər Nazirliyinin (DİN) Mətbuat Xidmətinin əməkdaşı Cəsarət Qənbərli bildirib ki, tərəflər polis idarəsinə dəvət olunaraq onlar ilə profilaktik söhbətlər aparılıb.

"Həmin məsələ ilə əlaqədar polis əməkdaşları tərəfindən müvafiq tədbirlər görülüb. Bu əməlin hüquqazidd hərəkət olması diqqətə çatdırılıb. Restoran sahibinə isə qanunauyğun qaydada xəbərdarlıq edilib. Onlar ilkin olaraq bildiriblər ki, toy deyil, övladlarının hərbi xidmətə yola salınması mərasiminə hazırlaşırlar. Hazırda məsələ diqqət mərkəzində saxlanılmaqla aidiyyəti üzrə müvafiq tədbirlərin görülməsi təmin olunur", - açıqlamada bildirilib.

* * * * *

Azərbaycanda daha bir erkən nikahın qarşısını alıb.

Bununla bağlı görüntülər "Təsir dairəsi" verilişində yayımlanıb.

Hadisə Qaradağ rayonunda baş verib. Belə ki, 16 yaşlı qızın 25 yaşlı şəxslə toyuna hazırlıq görülüb.

Lakin, qızın atası qızının toyuna hazırlaşdığını etiraf etsə də, buna səbəb kimi oğlunu əsgər göndərdiyini deyib: "Oğlum əsgər gedir deyə toy edirəm".

16 yaşlı Nəzrin isə 25 yaşlı şəxslə könüllü şəkildə ailə quracağını bildirib və qeyd edib ki, toyları olsa belə, evdən köçməyəcək: "Sadəcə gəlinlik geyinib qayıdacağam. Bəy evinə köçməyəcəyəm. Ər evinə iki il sonra gedəcəyəm. Rüfət bizim qonşumuzdur".

Toyun planlaşdırıldığı şadlıq sarayının rəhbəri məclisin toy yox, əsgər yığıncağı olduğunu bildirib. Amma sonra toyun olacağını etiraf edib:

"Mənə qızın təvəllüdünü deməyiblər. Yalnız oğlanın şəxsiyyət vəsiqəsini gətirmişdilər. Bizə demişdilər ki, oğlan toyu olacaq. Sonra dəyişdilər ki, qadın və kişi məclisi olacaq".


скачать dle 11.3