Rusiyanın FTX əməkdaşları Stavropolda Azərbaycan vətəndaşını saxlayıb.
Bu barədə FTX-nin İctimaiyyətlə Əlaqələr Mərkəzi məlumat yayıb.
Azərbaycan vətəndaşı Ukrayna terror təşkilatı adından terror aktları hazırlamaqda şübhəli bilinir.
Qeyd olunub ki, əcnəbi Yessentuki və Stavropolda inzibati binalar və nəqliyyat infrastrukturu obyektlərində ətraflı kəşfiyyat aparıb.
Bundan əlavə, saxlanılan şəxsin əldəqayırma partlayıcı qurğuların hazırlanması üçün komponentlər aldığı və sonradan istifadə üçün gizləndiyi yerə qoyduğu bildirilir. Baxış zamanı həmin şəxsin üzərindən rabitə vasitələri, partlayıcı qurğular üçün komponentlər və onun qanunsuz fəaliyyətini göstərən digər sübutlar aşkar edilib.
Şübhəli şəxsə qarşı Rusiya Federasiyası Cinayət Məcəlləsinin 30 və 205-ci (terror aktına hazırlıq) maddələri ilə cinayət işi açılıb.
//unikal.az
Şahidi olduğunuz hadisələri çəkib bizə göndərin!
Son Əlavə