Biləsuvarda birinci arvadı ilə barışmaq istəyən kişi ikinci arvadını döyüb.
Oxu.Az-ın məlumatına görə, hadisə rayonun Xırmandalı kəndində baş verib.
Kənd sakini, 1985-ci il təvəllüdlü Pərviz Məmmədov (ad və soyad şərtidir) bir övladı olandan sonra boşanır. O, ikinci dəfə Zümrüd adlı qadınla ailə həyatı qurur, ancaq bu dəfə rəsmi nikaha daxil olmur. P.Məmmədov birinci həyat yoldaşının cehizlərini evindən aparmasına da imkan vermir.
Bir gün Zümrüd eşidir ki, Pərviz birinci həyat yoldaşı ilə barışmaq istəyir və məhz buna görə onunla rəsmi nikah bağlamır. Zümrüd bu barədə Pərvizə bildirəndə o bunu etiraf edir və ər-arvad arasında mübahisə başlayır. Pərviz Zümrüdü döyür və onun barmağını qırır.
Zümrüd hadisə ilə bağlı polisə məlumat verir. Faktla bağlı cinayət işi başlanır və iş məhkəməyə göndərilir. Biləsuvar Rayon Məhkəməsinin hökmü ilə P.Məmmədova altı ay müddətinə azadlığın məhdudlaşdırılması cəzası verilir.
Şahidi olduğunuz hadisələri çəkib bizə göndərin!
Son Əlavə