Xalası tərəfindən zorakılığa məruz qalan uşağın VƏZİYYƏTİ AÇIQLANDI (Yenilənib)
Bakıda xalası tərəfindən zorakılığa məruz qalan yetkinlik yaşına çatmayan şəxsin vəziyyəti açıqlanıb.
Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, sentyabrın 1-i saat 11:00-da çoxsaylı xəsarətlər səbəbi ilə 2011-ci il təvəllüdlü şəxs (kişi cinsli) Respublika Pediatriya Mərkəzinin nəzdində olan Ə.F.Qarayev adına Uşaq Klinik Xəstəxanasına hospitalizasiya olunub:
"Pasiyentin bədəninin müxtəlif nahiyələrində çoxsaylı xəsarət izləri (çapıq və şırımlar), saçlı dəridən alın-təpə nahiyəsinə qədər saçsız hissə və çapıq toxuması, sol kürək nahiyəsində ödəm, sol əl pəncəsində ödəm müşahidə olunub.
Hazırda tibb müəssisəsinin müvafiq şöbəsində müalicəsi davam etdirilir, vəziyyəti stabildir".
* * * * *
Bakıda xalası tərəfindən zorakılığa məruz qalan yetkinlik yaşına çatmayan şəxs səhiyyə müəssisəsinə yerləşdirilib.
Bu barədə oxu.az-ın sorğusuna cavab olaraq Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyindən məlumat verilib.
Bildirilib ki, qəyyumu tərəfindən zorakılığa məruz qaldığı iddia edilən uşaqla bağlı məlumat daxil olduğu ilk andan Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları prosesə cəlb ediliblər.
Həmçinin əlavə edilib ki, uşaq aidiyyəti qurumlarla koordinasiyalı şəkildə səhiyyə müəssisəsinə yerləşdirilib. Müayinə və qiymətləndirilmə prosedurları bitdikdən sonra o, agentliyin müvafiq müəssisəsinə yerləşdiriləcək.
Xatırladaq ki, ötən gün atası və anası vəfat edən 14 yaşlı uşağın qəyyumu olan xalası tərəfindən işgəncələrə, zorakılığa məruz qalması faktını əsaslandıran görüntülər sosial mediada paylaşılmışdı. Bundan sonra aidiyyəti üzrə qurumlar hərəkətə keçib.
Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, sentyabrın 1-i saat 11:00-da çoxsaylı xəsarətlər səbəbi ilə 2011-ci il təvəllüdlü şəxs (kişi cinsli) Respublika Pediatriya Mərkəzinin nəzdində olan Ə.F.Qarayev adına Uşaq Klinik Xəstəxanasına hospitalizasiya olunub:
"Pasiyentin bədəninin müxtəlif nahiyələrində çoxsaylı xəsarət izləri (çapıq və şırımlar), saçlı dəridən alın-təpə nahiyəsinə qədər saçsız hissə və çapıq toxuması, sol kürək nahiyəsində ödəm, sol əl pəncəsində ödəm müşahidə olunub.
Hazırda tibb müəssisəsinin müvafiq şöbəsində müalicəsi davam etdirilir, vəziyyəti stabildir".
* * * * *
Bakıda xalası tərəfindən zorakılığa məruz qalan yetkinlik yaşına çatmayan şəxs səhiyyə müəssisəsinə yerləşdirilib.
Bu barədə oxu.az-ın sorğusuna cavab olaraq Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyindən məlumat verilib.
Bildirilib ki, qəyyumu tərəfindən zorakılığa məruz qaldığı iddia edilən uşaqla bağlı məlumat daxil olduğu ilk andan Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları prosesə cəlb ediliblər.
Həmçinin əlavə edilib ki, uşaq aidiyyəti qurumlarla koordinasiyalı şəkildə səhiyyə müəssisəsinə yerləşdirilib. Müayinə və qiymətləndirilmə prosedurları bitdikdən sonra o, agentliyin müvafiq müəssisəsinə yerləşdiriləcək.
Xatırladaq ki, ötən gün atası və anası vəfat edən 14 yaşlı uşağın qəyyumu olan xalası tərəfindən işgəncələrə, zorakılığa məruz qalması faktını əsaslandıran görüntülər sosial mediada paylaşılmışdı. Bundan sonra aidiyyəti üzrə qurumlar hərəkətə keçib.
