Dövlət vəsaitini mənimsəməkdə ittiham olunan sabiq sektor müdirinə hökm oxundu
Kənd Təsərrüfatı Nazirliyi (KTN) yanında Aqrar Kredit və İnkişaf Agentliyinin Ağdam Dövlət Aqrar İnkişaf Mərkəzinin (DAİM) keçmiş vəzifəli şəxsi Şahlar Orucova hökm oxunub.
Median.Az "Qaynarinfo"ya istinadən xəbər verir ki, Şahlar Orucov Ağdam Rayon Məhkəməsində Cinayət Məcəlləsinin 179.2.1 (mənimsəmə və ya israf etmə - qabaqcadan əlbir olan bir qrup şəxs tərəfindən törədildikdə), 179.2.3 (mənimsəmə və ya israf etmə - şəxs tərəfindən öz qulluq mövqeyindən istifadə etməklə törədildikdə), 179.2.4 (mənimsəmə və ya israf etmə - xeyli miqdarda ziyan vurmaqla törədildikdə), 308.1 (vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda) və 313-cü (vəzifə saxtakarlığı) maddələri ilə mühakimə edilib.
Hakim Rafiq Məmmədovun çıxardığı hökmə əsasən, Şahlar Orucova 2 il 6 ay müddətinə dövlət və yerli özünüidarə etmə orqanlarında rəhbər və maddi-məsul vəzifələr tutmaq hüququndan məhrum edilməklə 4 il azadlığın məhdudlaşdırılması cəzası təyin edilib.
İttiham aktına görə, Şahlar Orucov öz qulluq mövqeyindən istifadə edərək ona etibar olunmuş özgə əmlakını vahid niyyətlə xeyli miqdarda ziyan vurmaqla mənimsəmə yolu ilə talayıb. O, həmçinin vəzifəli şəxs kimi şəxsən və qeyrisinin köməyi ilə xidməti vəzifələrinin icrası ilə əlaqədar özü və üçüncü şəxs üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə edərək dövlətin qanunla qorunan mənafelərinə vahid niyyətlə mühüm zərər vurmaqla vəzifə səlahiyyətlərindən sui-istifadə edib. Bundan başqa, Şahlar Orucov vəzifəli şəxs kimi şəxsən və qeyrisinin köməyi ilə informasiya resursuna bilə-bilə yalan məlumatları vahid tamah niyyəti ilə daxil etməklə vəzifə saxtakarlığı törədib.
İttiham aktında, həmçinin qeyd edilib ki, Şahlar Orucov dövlətə məxsus 41 500 manat vəsaiti mənimsəyib.
O, 2019-2023-cü illərdə Ağdam DAİM-in Heyvandarlıq sektorunun müdiri vəzifəsində çalışıb.
Median.Az "Qaynarinfo"ya istinadən xəbər verir ki, Şahlar Orucov Ağdam Rayon Məhkəməsində Cinayət Məcəlləsinin 179.2.1 (mənimsəmə və ya israf etmə - qabaqcadan əlbir olan bir qrup şəxs tərəfindən törədildikdə), 179.2.3 (mənimsəmə və ya israf etmə - şəxs tərəfindən öz qulluq mövqeyindən istifadə etməklə törədildikdə), 179.2.4 (mənimsəmə və ya israf etmə - xeyli miqdarda ziyan vurmaqla törədildikdə), 308.1 (vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda) və 313-cü (vəzifə saxtakarlığı) maddələri ilə mühakimə edilib.
Hakim Rafiq Məmmədovun çıxardığı hökmə əsasən, Şahlar Orucova 2 il 6 ay müddətinə dövlət və yerli özünüidarə etmə orqanlarında rəhbər və maddi-məsul vəzifələr tutmaq hüququndan məhrum edilməklə 4 il azadlığın məhdudlaşdırılması cəzası təyin edilib.
İttiham aktına görə, Şahlar Orucov öz qulluq mövqeyindən istifadə edərək ona etibar olunmuş özgə əmlakını vahid niyyətlə xeyli miqdarda ziyan vurmaqla mənimsəmə yolu ilə talayıb. O, həmçinin vəzifəli şəxs kimi şəxsən və qeyrisinin köməyi ilə xidməti vəzifələrinin icrası ilə əlaqədar özü və üçüncü şəxs üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə edərək dövlətin qanunla qorunan mənafelərinə vahid niyyətlə mühüm zərər vurmaqla vəzifə səlahiyyətlərindən sui-istifadə edib. Bundan başqa, Şahlar Orucov vəzifəli şəxs kimi şəxsən və qeyrisinin köməyi ilə informasiya resursuna bilə-bilə yalan məlumatları vahid tamah niyyəti ilə daxil etməklə vəzifə saxtakarlığı törədib.
İttiham aktında, həmçinin qeyd edilib ki, Şahlar Orucov dövlətə məxsus 41 500 manat vəsaiti mənimsəyib.
O, 2019-2023-cü illərdə Ağdam DAİM-in Heyvandarlıq sektorunun müdiri vəzifəsində çalışıb.
