Türkiyə Rusiya ilə Moskva vilayətində "Krokus Siti Holl"da baş verən terror aktı ilə bağlı məlumat mübadiləsi aparır, lakin detallar açıqlanmır. Türkiyə tərəfi şübhəlilərin Rusiyaya təhvil verilməsi məsələsini şərh etməkdən imtina edir.

Bu barədə "RİA Novosti" agentliyinə Türkiyənin müvafiq qurumundakı mənbə bildirib.

"Ölkələr zəruri məlumatları mübadilə edirlər, detallar açıqlanmır", - deyə agentliyin həmsöhbəti bildirib.

Qeyd edək ki, bir müddət əvvəl "Crocus City Hall "da terror aktını həyata keçirməkdə şübhəli bilinən Muhammasobir Fayzov etiraf edib ki, Türkiyədə yaşayan qardaşı da cinayətdə iştirak edib. Onun sözlərinə görə, qardaşı İŞİD üzvüdür. Fayzovun qardaşı axtarışa verilib.

Türkiyənin işdə adı keçən şəxsləri Rusiyaya təhvil vermək ehtimalı ilə bağlı dəqiqləşdirici suala mənbə qeyd edib ki, bu barədə məlumat yoxdur.

"Şərhsiz", - deyə o əlavə edib.

Cinayətdə adı keçən şəxslərlə bağlı iş mahiyyəti üzrə baxılması üçün ikinci Qərb dairə hərbi məhkəməsinə göndərilib.

Xatırladaq ki, 2024-cü il martın 22-də Krasnoqorskda yerləşən "Crocus City Hall" konsert zalında terror aktı baş verib. Əlisilahlı dörd nəfər konsertə gələnlərə atəş açıb, partlayış törədib, daha sonra kompleksdə yanğın başlayıb. Son məlumatlara görə, terrorda 609 nəfər yaralanıb, 149 nəfər həlak olub. Terrordan sonra dörd icraçı - Muhammadsobir Fayzov (terror aktını təşkil edənin kiçik qardaşı), Dalercon Mirzoyev, Saidakrami Raçabalizodə və Şamsiddin Fariduni Ukraynaya qaçmağa cəhd edib, lakin Bryansk vilayətinin ərazisində saxlanılaraq Moskvaya aparılıb. Daha sonra konsert zalına hücum edənlərin əlbirləri də tapılıb.скачать dle 11.3