Rusiyaya qarşı yeni sanksiya paketi çərçivəsində Avropa İttifaqı (Aİ) sanksiyalardan yan keçməyə görə daha 26 şirkəti məhdudlaşdırıcı tədbirlər siyahısına daxil edib.

Bu barədə “Euroactiv” Aİ Şurasındakı mənbəyə istinadən məlumat yayıb.

Onlardan 11 şirkət Rusiya xaricində yerləşir: Çində 7, Honkonqda 3 və Türkiyədə 4 şirkət, həmçinin Hindistanda Rusiyaya məxsus neft emalı zavodu buraya daxildir. Bu şirkətlər Rusiyanın hərbi-sənaye kompleksi üçün tədarük həyata keçirməkdə şübhəli bilinir.

Aİ hesab edir ki, bu, Moskvanın ikili təyinatlı texnologiyalara çıxışını məhdudlaşdırmağa imkan verəcək.

Yeni paketə Rusiyanın "kölgə donanması"nın daha 105 gəmisi daxildir ki, Moskva bunlardan qiymət tavanından yayınmaq üçün istifadə edib. İndi qadağan edilmiş gəmilərin sayı 400-ü keçir.

O, həmçinin Rusiyanın 22 bankı ilə əməliyyatlara qadağa qoyur. 18-ci sanksiyalar paketi, eyni zamanda 2022-ci ildən fəaliyyət göstərməyən "Şimal axını-1" və "Şimal axını-2" qaz kəmərləri ilə bağlı əməliyyatlara kəmərlərin xidmət, istismar və ya gələcəkdə istifadəsinin qarşısını alınması üçün yeni qadağa daxil edir.
//reportскачать dle 11.3