İlham Əliyev Donald Trampa başsağlığı verdi

Azərbaycan Respublikasının Prezidenti İlham Əliyev Amerika Birləşmiş Ştatlarının Prezidenti Donald Trampa başsağlığı məktubu göndərib.

Median.Az President.az-a istinadən xəbər verir ki, məktubda deyilir:

"Texas ştatında baş vermiş güclü daşqınlar nəticəsində çoxsaylı insan ölümü və dağıntılar barədə xəbər bizi son dərəcə sarsıtdı.

Bu faciə ilə əlaqədar sizə, həlak olanların ailələrinə və yaxınlarına, bütün Amerika xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm".