Ərdoğan ECO-ya üzv ölkələri Şimali Kiprlə əlaqələri genişləndirməyə çağırıb

Türkiyə Prezidenti Rəcəb Tayyib Ərdoğan İqtisadi Əməkdaşlıq Təşkilatına (ECO) üzv ölkələri Şimali Kipr Türk Cümhuriyyəti ilə daha sıx əlaqəyə çağırıb.

Median.Az "Report"a istinadən xəbər verir ki, bunu dövlət başçısı İqtisadi Əməkdaşlıq Təşkilatının (ECO) 17-ci Zirvə görüşündə çıxışı zamanı söyləyib.

Türkiyə lideri ECO-nun 2012-ci ildən müşahidəçi kimi təşkilatda üzv olan və on illərdir ədalətsiz təcridə məruz qalan Kipr türkləri ilə həmrəyliyini artırmağa davam edəcəyinə inamını ifadə edib:

"İdmandan mədəniyyətə, iqtisadiyyatdan turizmə kimi müxtəlif sahələrdə Şimali Kipr türkləri ilə əlaqələrinizi inkişaf etdirməyinizi gözləyirəm".