Azərbaycan Respublikasının Elm və Təhsil Nazirliyi ilə Çin Xalq Respublikasının Təhsil Nazirliyi arasında təhsil sahəsində əməkdaşlıq haqqında sazişə əsasən, 2025-2026-cı tədris ili üzrə Çinin nüfuzlu universitetlərində təhsil almaq hüququ qazanmış 43 nəfər Azərbaycan vətəndaşı müəyyən edilib.
Bu barədə Elm və Ali Təhsil üzrə Dövlət Agentliyi məlumat yayıb.
Bildirilib ki, yekun qərar nəticəsində seçilmiş tələbələr "Shanghai Jiao Tong University", "Shanghai University", "Zhejiang University", "China University of Geosciences", "Nanjing University of Science and Technology", "Wuhan University", "Sichuan University", "University of International Business and Economics", "Hubei University" və digər nüfuzlu ali təhsil müəssisələrində təhsil alacaqlar.
Tələbələr bakalavriat (1 nəfər), magistratura (37 nəfər) və doktorantura (5 nəfər) səviyyələri üzrə beynəlxalq münasibətlər və idarəetmə, ətraf mühit mühəndisliyi, hüquq, kompüter elmləri, beynəlxalq ticarət, maliyyə, nəqliyyat mühəndisliyi, biznesin idarə edilməsi, mühasibat uçotu, təhsil nəzəriyyəsi və ekologiya kimi ixtisaslar üzrə təhsil alacaqlar.
Şahidi olduğunuz hadisələri çəkib bizə göndərin!
Son Əlavə