Bakıda maskalı şəxs mağazadan 34 600 manat oğurladı

Bakının Nəsimi rayonunda kamuflyaj olunan naməlum şəxs mağazanın anbarından külli miqdarda oğurluq edib.

Oxu.Az-ın məlumatına görə, naməlum şəxs maskalanaraq mağazanın anbarına daxil olub və orada gizlənib. Həmin şəxs mağaza bağlandıqdan sonra gecə saatlarında anbardakı kassanı qıraraq oradan 34 600 manatı oğurlayıb.

Nəsimi Rayon Polis İdarəsinin 22-ci Polis Şöbəsi əməkdaşlarının həyata keçirdikləri tədbirlərlə oğurluqda şübhəli bilinən 26 yaşlı Mehman Əliyev müəyyən olunaraq saxlanılıb.

Faktla bağlı araşdırma aparılır.