İranda İsraillə əməkdaşlıqda ittiham olunan Məhəmməd Əmin Məhdəvi Şayesteh adlı şəxs edam edilib.
"Azad İran" "Telegram" kanalının xəbərinə görə, bu barədə İranın Ədliyyə Xəbər Agentliyi (Mizan) məlumat verib.
Xatırladaq ki, həmçinin iyunun 22-də İranda İsraillə əlaqələrdə ittiham olunan Məcid Musaibi adlı siyasi məhbus da edam edilib.
Qeyd edək ki, İslam Respublikası ilə İsrail arasında gərginliyin kəskinləşməsindən sonra İran hökuməti İsraillə əməkdaşlıqda ittiham olunan vətəndaşların həbslərinin sayını artırıb. Son aylarda ən azı üç vətəndaş İsraillə əməkdaşlığa görə edam edilib.
İyunun 16-da İslam Respublikasının məhkəmə orqanları "kəşfiyyatla əməkdaşlıq etmək və İsrailə casusluq etmək" ittihamı ilə həbs edilmiş və məhkum olunmuş İsmayıl Fikri adlı vətəndaşın edam olunduğunu da elan edib.
Şahidi olduğunuz hadisələri çəkib bizə göndərin!
Son Əlavə