Astarada 22 yaşlı qadını döyən əri həbs edildi

Astara rayonunda 22 yaşlı qadını döyən əri həbs edilib.

Hadisə Astara rayonu, Artupa kəndində baş verib. Kənd sakini, 1997-ci il təvəllüdlü Mirəhməd Ağayev qısqanclıq zəminində həyat yoldaşı, 2003-cü il təvəllüdlü Nərmin Cəfərzadəni xüsusi amansızlıqla döyüb. Hadisə nəticəsində qadın intihara cəhd edib. Onun intihara cəhdinin qarşısı alınıb və Astara Rayon Mərkəzi Xəstəxanasına çatdırılıb.

Xəstəxanadan hadisə barədə polisə məlumat verilib və hüquq-mühafizə orqanları əməkdaşları araşdırmalara başlayıb.

Hüquq-mühafizə orqanlarının əməkdaşları hadisə yerinə baxış keçirərkən N.Cəfərzadənin həyat yoldaşı M.Ağayev səs-küy salaraq polisə etiraz edib.

Faktla bağlı inzibati protokol tərtib edilib və iş məhkəməyə göndərilib.

Məhkəmənin hökmü ilə M.Ağayev 10 sutkalıq həbs edilib.
//oxu.azскачать dle 11.3

Şahidi olduğunuz hadisələri çəkib bizə göndərin!