Astarada 55 yaşlı qadın qətlə yetirildi - Gəlini şübhəli bilinir (Yenilənib)

İyulun 29-da gecə saatlarında Astaranın Kakalos kənd sakini, 1970-ci il təvəllüdlü Xalidə Manafovanın qətlə yetirildiyi məlum olub.

Rayon hüquq-mühafizə orqanları əməkdaşları tərəfindən hadisədə şübhəli bilinən, X.Manafovanın gəlini, 2004-cü il təvəllüdlü Rufanə İmanova saxlanılıb.

Qeyd edilib ki, hadisə ailə münaqişəsi nəticəsində baş verib. İlkin məlumatlara görə, mübahisə zamanı R.İmanova qayınanasını kəsici alətlə qətlə yetirib.

* * * * *

Astara rayonunda qadın xəstəxanada vəfat edib.

Hadisə rayonun Kakalos kəndində baş verib.

Belə ki, həmin kənd sakini, 55 yaşlı Xalidə Manafova kəsilmiş xəsarətlə Astara Rayon Mərkəzi Xəstəxanasına gətirilib.

Həkimlərin səylərinə baxmayaraq, onun həyatını xilas etmək mümkün olmayıb.

Hazırda hadisənin başvermə səbəbi və şəraiti araşdırılır.

Meyit müayinə olunması üçün morqa təhvil verilib.скачать dle 11.3

Şahidi olduğunuz hadisələri çəkib bizə göndərin!