"Santos"un məşhur braziliyalı vingeri Neymar Türkiyə Superliqasında oynaya bilər.
Bu barədə "Fanatik" nəşri məlumat verib.
Bildirilir ki, "Fənərbağça" klubu 33 yaşlı futbolçunun transferində maraqlıdır.
Mənbənin məlumatına görə, türk klubu Neymara müqaviləni daha bir mövsüm uzatmaq imkanı ilə bir illik müqavilə təklif edib. Oyunçunun "Santos"la müqaviləsində Avropanın istənilən komandasına pulsuz keçidi ilə bağlı bənd əks olunub.
Qeyd edək ki, bu mövsüm Neymar bütün turnirlərdə 14 matçda iştirak edib və üç qol, üç məhsuldar ötürmə ilə yadda qalıb. Daha əvvəl mətbuatda "Santos"un hücumameyilli futbolçu ilə müqaviləni uzatmaq istədiyi barədə xəbərlər də yayılmışdı.
Şahidi olduğunuz hadisələri çəkib bizə göndərin!
Son Əlavə