Hafiz Əliyev Goranboy rayon Məhkəməsinə sədr təyin olundu
Sumqayıt Ağır Cinayətlər Məhkəməsinin hakimi Hafiz Samir oğlu Əliyev Goranboy rayon Məhkəməsinə hakim eyni zamanda sədr təyin edilib.
Bu barədə prezident İlham Əliyev sərəncam imzalayıb.
Yeni vəzifəyə təyin edilən Hafiz Əliyevin həyat yoluna nəzər salaq.
Belə ki, Hafiz Əliyev 1987-ci ildə Bakı şəhərində həkim ailəsində anadan olub.
O, 2005-ci ildə Bakı Dövlət Universitetinin Hüquq fakültəsinə daxil olub və 2009-cu ildə isə universiteti fərqlənmə ilə bitirib.
2009-2018-cü illərdə Bakı Dövlət Universitetinin cinayət hüququ üzrə magistratura təhsili alıb.
Hafiz Əliyev 2011-2016 Nəsimi rayon prokurorluğunda müstəntiq, 2016-2020 Bakı şəhər prokurorluğu İstintaq İdarəsi böyük müstəntiq vəzifəsində çalışıb.
2020-2021 Baş Prokurorluq İstintaq İdarəsi xüsusilə mühüm işlər üzrə müstəntiqi olub.
Prezident İlham Əliyevin 3 fevral 2021-ci ildə imzaladığı sərəncama əsasən, Sumqayıt Ağır Cinayətlər Məhkəməsinə Hakim təyin edilib.
Onun icraatında bir sıra maraqlı cinayət işləri olub. Onlardan biri də Sumqayıtda 3 nəfəri qətlə yetirən Müşfiq Tağıyevin Cinayət işi, keçmiş deputat Eldəniz Səlimov və s, eyni zamanda erməni diversantlarının cinayət işi üzrə məhkəmə prosesində tərkib heyətdə yer alıb.
Ailəlidir 3 oğlu var.
скачать dle 11.3
Şahidi olduğunuz hadisələri çəkib bizə göndərin!
Son Əlavə