Gürcüstanın ən varlı adamından kriptovalyuta oğurlayan iş adamı Azərbaycanla sərhəddə saxlanıldı
Gürcüstanın Dövlət Təhlükəsizlik Xidməti (DTX) iş adamı Georgi Baçiaşvilini Azərbaycanla sərhəddə saxlayıb.
Bu barədə Gürcüstan DTX "Facebook" səhifəsində məlumat yayıb.
O, ölkənin ən varlı şəxslərindən biri və hakim "Gürcü Arzusu" Partiyasının qurucusu Bidzina İvanişvilidən kriptovalyuta oğurlamaqda ittiham olunur.
Baçiaşvili İvanişvilinin təsis etdiyi Birgə İnvestisiya Fondunun baş direktoru vəzifəsində çalışıb. O, 2024-cü ildə külli miqdarda kriptovalyutanı mənimsəməkdə və 40 milyon dollar məbləğində vəsaiti yumaqda ittiham olunur.
Müstəntiqlərin versiyasına görə, Baçiaşvili milyarderi "Bitkoin" mayninqinə sərmayə qoymağa inandırıb, daha sonra isə əldə olunan gəliri mənimsəyib.
Tbilisi məhkəməsi onu qiyabi olaraq 11 il həbs cəzasına məhkum edib və İvanişviliyə 9 min bitkoin ödəməli olduğuna dair qərar verib.
Bu barədə Gürcüstan DTX "Facebook" səhifəsində məlumat yayıb.
O, ölkənin ən varlı şəxslərindən biri və hakim "Gürcü Arzusu" Partiyasının qurucusu Bidzina İvanişvilidən kriptovalyuta oğurlamaqda ittiham olunur.
Baçiaşvili İvanişvilinin təsis etdiyi Birgə İnvestisiya Fondunun baş direktoru vəzifəsində çalışıb. O, 2024-cü ildə külli miqdarda kriptovalyutanı mənimsəməkdə və 40 milyon dollar məbləğində vəsaiti yumaqda ittiham olunur.
Müstəntiqlərin versiyasına görə, Baçiaşvili milyarderi "Bitkoin" mayninqinə sərmayə qoymağa inandırıb, daha sonra isə əldə olunan gəliri mənimsəyib.
Tbilisi məhkəməsi onu qiyabi olaraq 11 il həbs cəzasına məhkum edib və İvanişviliyə 9 min bitkoin ödəməli olduğuna dair qərar verib.
