Almaniyada aparılan araşdırmalara görə, orta yaşlı hər 5 nəfərdən 1-i on il ərzində infarkt keçirmə riski altındadır.
Mütəxəssislərin fikrincə, bir çox insanlar bu riski lazımi səviyyədə qiymətləndirmirlər və ehtiyat tədbirlərini gecikdirirlər.
Araşdırma çərçivəsində 35-69 yaş arasında olan 3271 nəfərin məlumatları gözdən keçirilib. Növbəti on il üçün xəstəlik riski hesablanarkən yaş, cins, həyat tərzi və insanların mövcud xəstəlikləri nəzərə alınıb.
Təhlükə altında olanlar bundan xəbərsizdirlər
Müvafiq olaraq, iştirakçıların 73,5 faizi aşağı risk qrupunda, 6 faizi riskli qrupda, 12,8 faizi isə yüksək risk qrupundadır. Buna baxmayaraq, respondentlərin 84 faizi özünü “risksiz” və ya “az riskli” qrupda görür. Yüksək riskli şəxslərin yarıdan çoxu demək olar ki, təhlükədən xəbərsizdirlər. Mütəxəssislərin fikrincə, ürək-damar xəstəliklərinin qarşısının alınmasında ilk addım insanların bu təhlükəni gözdən qaçırmamasıdır.
//sfera.az
Şahidi olduğunuz hadisələri çəkib bizə göndərin!
Son Əlavə