Adınıza kredit götürüblər, bank isə məsuliyyət daşımır - Bu necə ola bilər? - AÇIQLAMA » Median.Az - Bütün xəbərlər bir ünvanda
23:00 Qanunsuz əyləncənin qurbanları: Günahkar kimdir?  |     22:52 Maşınlardakı bu funksiya kişilərdə sonsuzluq yaradır - AÇIQLAMA  |     22:46 İşi daim kompüterlə olanların nəzərinə! - XƏBƏRDARLIQ  |     22:39 Avtobus sürücüsü sərnişinlərin həyatını təhlükəyə atdı: Qurumlar hərəkətə keçdi - VİDEO  |     22:34 Elektron imtahana keçid bizə nə verəcək?  |     22:27 Culfa rayonunun bəzi kəndlərində elektrik enerjisinin verilişində fasilə yaranacaq  |     22:14 Meksikada daşqınlar 31 nəfərin həyatına son qoyub  |     22:05 Səudiyyə Ərəbistanı klubu "Real"ın futbolçusunu rekord məbləğ qarşılığında transfer edə bilər  |     21:59 Qara Qarayevin yaşadığı mənzil 750 minə satılır - Video  |     21:51 “İki aydır yumağa xalça vermişdik, çirkli formada geri qaytardılar” - Video  |     21:43 Rusiyanın dondurulmuş aktivlərindən istifadə edəcəklər  |     21:37 Televizorda oyun oynaya biləcəksiniz - “Netflix”dən yenilik  |     21:30 Azərbaycan dörd ölkə ilə birgə hərbi təlimə qatılacaq  |     21:25 Azərbaycanda yeni məktəblər tikiləcək  |     21:16 Dondurma və qazlı içkilərdəki inqrediyent saç tökülməsinin qarşısını ala bilər - Alimlər  |     21:10 Baş gicəllənməsi bu xəstəliyin xəbərçisi ola bilər  |     21:04 Yasamal MKTB-də maliyyə problemi: 2 milyonluq borc niyə ödənilmir?  |     20:59 Bakıda hamilə qadını döyüb uşağını itirməsinə səbəb olan ərin məhkəməsi: "Yeməyə artıq duz atdı, mən də döydüm"  |     20:50 Braziliyalı futbolçu yeddi qol vurduğu matçdan sonra həbs olunub  |     20:43 Avropada yeni Şengen sistemi tətbiq edilir: Ölkələrə giriş-çıxışda hansı dəyişikliklər olacaq?  |    

Adınıza kredit götürüblər, bank isə məsuliyyət daşımır - Bu necə ola bilər? - AÇIQLAMA

Ötən günlər bank kartlarından kütləvi talamalar və bankların məsuliyyəti ilə bağlı yazıdan sonra daxil olan müraciətlər sektorda problemlərin daha ciddi olduğunu göstərir. Bir çoxları onların adından kredit götürüldüyünü bildirirlər. Araşdırdıqda isə ağlasığmaz bir vəziyyətlə rastlaşırıq.

Məsələ ilə bağlı İnternet Formunun prezidenti Osman Gündüz açıqlama verib:

"Azərbaycanda son zamanlar bütün banklar onlayn kredit xidməti təklif edirlər. Bu proses sürətlə yayılıb.

Müxtəlif kiber fırıldaqlarla başqasının adından onlayn kredit götürmək halları da artıb. Kredit alan şəxs adından əməliyyat aparıldığını günlərlə sonra öyrənir. Bank isə sadəcə "siz təsdiqləmisiniz" deyib məsuliyyəti üzərindən atır. Adi bir araşdırma ilə müşahidə etmək olur ki, bankların onlayn kredit prosesində ciddi risklər var.

Qısa araşdırma ilə müəyyən etdim ki yalnız bir neçə bank dövlətə məxsus SİMA biometrik imza sistemi ilə identifikasiya etməklə kredit verir. Əksəriyyət isə adi qaydada, ən yaxşı halda isə video zənglə vətəndaşı identifikasiya edib dərhal onlayn formada kredit ayırırlar. Hətta elə nəhəng banklar var ki, güman ki, xarici mütəxəssislərin iştirakı ilə özlərinin daxili biometrik sistemlərini yaradıblar və bununla vətəndaşları identifikasiya edirlər. Amma qanunvericilikdə nəzərdə tutulduğu qaydada lisenziyalar əldə etməyiblər. Maraqlıdır ki Mərkəzi Bank da bu tip hallara qarşı ciddi tədbirlər görməyib".

Ekspert bildirir ki, Mərkəzi Bankın mövcud qaydalarına görə banklar video zəng xidmətlərindən istifadə edib identifikasiya apara bilərlər:

"Amma bu tip yanaşmalar artıq öz əhəmiyyətini itirib. Qonşu ölkələrin də təcrübəsinə baxanda görsənir ki daha çox təkmil biometrik identifikasiyaya üstünlük verilir. Düşünürəm ki, Azərbaycanda da qanunvericilik təkmilləşdirilməlidir. Biometrik identifikasiya onlayn kredit üçün məcburi olmalıdır - başqa seçim verilməli deyil banklara. Bu mütləq şəkildə qanunvericilikdə, Mərkəzi Bankın qaydalarında öz əksini tapmalıdır. Həm də yalnız lisenziyası olan biometrik imzalama vasitələrinə icazə verilməlidir".

Daha bir məqam isə rəqəmsal savadlılığı yetərli olmayan, əlində bir neçə bankı kartı olan vətəndaşlarla bağlıdır.

Bəs bu zaman nələrə diqqət etməliyik?

Ekspert bildirib ki, əlbəttə ümumilikdə onlayn kredit xidmətlərini tam məhdudlaşdırmaq, bankların rəqəmsal xidmətlərini çətinləşdirmək doğru olmazdı və bu rəqəmsal transformasiyanı da ləngidə bilər:

"Amma düşünürəm ki bütün banklar öz mobil tətbiqlərində vətəndaşlara seçim imkanlarını genişləndirməldir, məsələn vətəndaşlara ümumiyyətlə kredit məsələsinə STOP qoymaq imkanı verməlidir. Ümumiyyətlə, düşünürəm ki hazırda bu sektorda yaranmış situasiya diqtə edir ki, Mərkəzi Bank banklara qarşı yeni yanaşma sərgiləməlidir. Yəni banklar kartları talanmış, rəqəmsal savadlılığı yetərli olmayan vətəndaşlara, adına onlayn kreidt götürülmüş vətəndaşlara "təhlükəsizlik sizin öhdəliyinizdədir", "özünüz kodu təsdiqləmisiniz" deyə başdan eləməli deyillər".

Qeyd edək ki, əgər bankların bu sahədə məsuliyyəti artırılmayacaqsa, oğurlanan və talanan vəsaitlərə görə banklar da məsuliyyət daşımayacaqsa bu problemin həlli çox çətin olacaq.скачать dle 11.3




Şahidi olduğunuz hadisələri çəkib bizə göndərin!




            288 14.05.25 22:28