Hindistanda universitet rəhbərliyi otaqları sərin saxlamaq üçün dərs otağının divarlarını inək peyini ilə suvayıb.
Bu barədə Median.Az "Daily Mail"ə istinadla xəbər verir.
Delhi Universitetində rəhbərliyin istilərə qarşı qeyri-adi üsullarla mübarizə aparmağa qərar verməsindən sonra qalmaqal yaranıb. Universitetin rektoru otaqları sərinlədə biləcəyini iddia edərək, inək peyini ilə divarların örtülməsi texnikasını şəxsən nümayiş etdirib.
Universitet rəhbərliyi bu hərəkətləri elmi araşdırmalarla izah edir. Rektor qeyd edib ki, inək peyini həqiqətən temperaturu bir neçə dərəcə aşağı sala bilən təbii soyuducu vasitə hesab olunur.
Lakin tələbələr bu təşəbbüsə son dərəcə mənfi reaksiya veriblər. Onsuz da havasız sinif otaqlarından və yüksək temperaturdan əziyyət çəkən bir çox tələbə açıq etirazlarını bildiriblər.
//oxu.az
Şahidi olduğunuz hadisələri çəkib bizə göndərin!
Son Əlavə