ABŞ və İran arasında danışıqların ikinci raundu aprelin 19-da Romada keçiriləcək

 İran və ABŞ arasında Tehranın nüvə proqramı ətrafında yaranmış fikir ayrılıqlarının həllinə həsr olunmuş ikinci danışıqlar raundu 19 aprel tarixində Romada baş tutacaq.

Apa xəbər verir ki, bu barədə Oman Xarici İşlər Nazirliyi məlumat yayıb.

“Bu şənbə günü Romada İran İslam Respublikası ilə Amerika Birləşmiş Ştatları nümayəndələri arasında danışıqların ikinci raundu keçiriləcək. Danışıqların məqsədi ədalətli və davamlı sazişə doğru irəliləyiş əldə etməkdir”, – deyə nazirliyin bəyanatında qeyd olunub.