"Binance"nin rəhbəri: "ABŞ-nin kriptovalyutalara münasibəti Trampın dövründə dəyişib"
2023-cü ildən bəri ABŞ-nin Qiymətli kağızlar və birjalar üzrə komissiyası (SEC) tərəfindən sui-istifadədə ittiham olunan "Binance" kriptovalyuta birjası bir neçə ölkənin hökumətlərinə rəqəmsal valyutanın tənzimlənməsi ilə bağlı məsləhətlər verir.
Median.Az xəbər verir ki, bu barədə "Financial Times" (FT) qəzetinə ticarət platformasının rəhbəri Riçard Ten bildirib.
Qeyd olunur ki, ABŞ-nin kriptovalyutalara münasibəti, o cümlədən milli ehtiyatın yaradılması ilə bağlı yanaşması Prezident Donald Trampın dövründə kəskin şəkildə dəyişib. Bu, digər ölkələri də anoloji addımlar atmağa sövq edir.
Riçard Ten qeyd edib ki, ABŞ hazırda bu sahədə yurisdiksiya baxımından digər ölkələrdən əhəmiyyətli dərəcədə irəlidədir. O, "Binance"ın kriptovalyuta ehtiyatlarının yaradılmasında əməkdaşlıq etmək üçün bir neçə hökumətdən və suveren sərvət fondlarından bir sıra təkliflər aldığını bildirib. Lakin o, şirkətin əməkdaşlıq etdiyi ölkələrin adını çəkməkdən imtina edib.
Nəşr bildirib ki, "Binance"ın bu cür xidmətləri ilə bağlı məlumatın yayılması çirkli pulların yuyulması və beynəlxalq maliyyə sanksiyalarının pozulması ilə bağlı cinayət ittihamlarını boynuna aldıqdan və 4.3 milyard dollardan çox cərimə ödəməyə razı olduqdan təxminən bir il yarım sonraya təsadüf edir. Platformanın həmtəsisçisi və baş direktoru Çanpen Çjao həmin vaxt istefa verib və onu Riçard Ten əvəz edib. Daha sonra birjanın keçmiş rəhbəri dörd ay həbsxanada yatıb.
ABŞ, həmçinin birjanın maliyyə qaydalarına uyğunluğunu təmin etmək üçün 2024-cü ildə "Binance" üçün beş illik monitorinq proqramı tətbiq edəcəyini elan edib.
Median.Az xəbər verir ki, bu barədə "Financial Times" (FT) qəzetinə ticarət platformasının rəhbəri Riçard Ten bildirib.
Qeyd olunur ki, ABŞ-nin kriptovalyutalara münasibəti, o cümlədən milli ehtiyatın yaradılması ilə bağlı yanaşması Prezident Donald Trampın dövründə kəskin şəkildə dəyişib. Bu, digər ölkələri də anoloji addımlar atmağa sövq edir.
Riçard Ten qeyd edib ki, ABŞ hazırda bu sahədə yurisdiksiya baxımından digər ölkələrdən əhəmiyyətli dərəcədə irəlidədir. O, "Binance"ın kriptovalyuta ehtiyatlarının yaradılmasında əməkdaşlıq etmək üçün bir neçə hökumətdən və suveren sərvət fondlarından bir sıra təkliflər aldığını bildirib. Lakin o, şirkətin əməkdaşlıq etdiyi ölkələrin adını çəkməkdən imtina edib.
Nəşr bildirib ki, "Binance"ın bu cür xidmətləri ilə bağlı məlumatın yayılması çirkli pulların yuyulması və beynəlxalq maliyyə sanksiyalarının pozulması ilə bağlı cinayət ittihamlarını boynuna aldıqdan və 4.3 milyard dollardan çox cərimə ödəməyə razı olduqdan təxminən bir il yarım sonraya təsadüf edir. Platformanın həmtəsisçisi və baş direktoru Çanpen Çjao həmin vaxt istefa verib və onu Riçard Ten əvəz edib. Daha sonra birjanın keçmiş rəhbəri dörd ay həbsxanada yatıb.
ABŞ, həmçinin birjanın maliyyə qaydalarına uyğunluğunu təmin etmək üçün 2024-cü ildə "Binance" üçün beş illik monitorinq proqramı tətbiq edəcəyini elan edib.
