2028-ci ildə Los-Ancelesdə keçiriləcək Olimpiya Oyunlarında 5655 qadın və 5543 kişi iştirak edəcək. Tarixdə ilk dəfə olaraq Olimpiadada qadın idmançıların sayı kişi idmançılardan çox olacaq.
Bu barədə Beynəlxalq Olimpiya Komitəsinin (BOK) rəsmi saytında bildirilib.
Xəbərə görə, futbolda qadın komandalarının sayı kişi komandalarından çox olacaq - 16-ya qarşı 12. Həmçinin boksda qadınlar üçün çəki kateqoriyası əlavə edilib.
"Gender bərabərliyi idmançılar üçün kvota və yarışların sayını müəyyən edərkən əsas amil olub", - deyə BOK-dan bildirilib.
Qeyd edək ki, ABŞ-də keçiriləcək Yay Olimpiya Oyunlarında ümumilikdə 351 medal uğrunda mübarizə aparılacaq. Bu, 2024-cü ildə Parisdə keçirilən oyunlarda təqdim edilən medallardan 22 ədəd çoxdur.
Təşkilat Komitəsi beş əlavə idman növü təklif edib - lakross, kriket, flaq-futbol, skvoş və beysbol/softbol. Bundan əlavə, proqrama altı qarışıq komanda növü əlavə edilib - oxatma, yüngül atletika ( 4x100 m qarışıq estafet), qolf, gimnastika, avarçəkmə, sahil sprinti və stolüstü tennis.
Şahidi olduğunuz hadisələri çəkib bizə göndərin!
Son Əlavə