"Rusiya və İran arasında Hərtərəfli Strateji Tərəfdaşlıq Müqaviləsi iki ölkə arasında hərbi ittifaqın yaradılmasını nəzərdə tutmur".
Median.Az-ın TASS-a istinadla verdiyi məlumata görə, bu barədə Rusiyanın xarici işlər nazirinin müavini Andrey Rudenko Dövlət Dumasının deputatları qarşısında çıxışı zamanı bəyan edib.
"Vurğulamaq istərdim ki, İranla müqavilənin bağlanması hərbi ittifaqın formalaşması demək deyil və bir-birinə hərbi yardım göstərilməsini nəzərdə tutmur", - deyə o qeyd edib.
Xatırladaq ki, bu gün Dövlət Dumasında Rusiya və İran arasında Hərtərəfli Strateji Tərəfdaşlıq Müqaviləsi ratifikasiya prosedurunu keçib. Bundan əvvəl - yanvarın 17-də Vladimir Putin və iranlı həmkarı Məsud Pezeşkian Moskvada müqaviləni imzalamışdılar.
Putin xarici işlər nazirinin müavini Andrey Rudenkonu sənədin ratifikasiyasının parlamentdə müzakirəsi zamanı öz nümayəndəsi təyin edib.
Saziş növbəti 20 il ərzində Rusiya və İran arasında münasibətləri tənzimləməyə yönəlib. Rusiya və İran bir-birinə, o cümlədən investisiyalar və ticarət mexanizmlərinin sadələşdirilməsi yolu ilə üstünlüklər yaratmağı öhdəsinə götürürlər.
Şahidi olduğunuz hadisələri çəkib bizə göndərin!
Son Əlavə