"Avropanın təhlükəsizliyini təmin etmək üçün Avropa İttifaqı (Aİ) ölkələri Rusiyaya qarşı sanksiyaların müddətini uzatmalıdır".
Bu barədə "Rheinische Post" nəşrinə müsahibəsində Estoniyanın xarici işlər naziri Marqus Tsahkna deyib.
O, fikrinin davamında vurğulayıb ki, Macarıstan Aİ-nin Rusiyaya qarşı sanksiyaların müddətinin uzadılmasına mane olur. Ona görə də Aİ-də parçalanmanın qarşısını almaq üçün Macarıstan ittifaqda səsvermə hüququndan məhrum edilməlidir:
"Avropa İttifaqı haqqında Sazişin 7-ci bəndində göstərilir ki, quruma üzv olduğu halda Aİ-nin təhlükəsizliyinə təhdid yaradan hərəkətlərə yol verən ölkənin səsvermə hüququ geri alınmalıdır. Rəsmi Budapeşt hazırda məhz bununla məşğuldur. Mənim fikrimcə, bu qərarın verilməsinin vaxtı yaxınlaşmaqdadır", - deyə Estoniyanın XİN rəhbəri vurğulayıb.
Şahidi olduğunuz hadisələri çəkib bizə göndərin!
Son Əlavə