Tailand Meteorologiya Departamenti Myanmada baş verən zəlzələdən sonra ümumilikdə 267 afterşok qeydə alıb.
Bu barədə qurumun yenilənmiş hesabatında məlumat verilib.
Məlumata görə, ötən gecə ərzində Myanmada 10 km dərinlikdə maqnitudası 2.4-3.6 olan afterşoklar qeydə alınıb. Departament vurğulayıb ki, bu təkanlar Tailanda heç bir təsir göstərməyib.
Xatırladaq ki, martın 28-də Myanmada güclü zəlzələ baş verib. Tailand Meteorologiya Departamentinin məlumatına görə, onun maqnitudası 7.9 olub.
Zəlzələdən, həmçinin Tailand da zərər görüb, güclü təkanlar Banqkok və onun ətraflarında, eləcə də krallığın şimal, şimal-şərq, mərkəzi və cənub bölgələrində də hiss olunub. Tailand səlahiyyətliləri ölkədə baş verən zəlzələni dörddən üçüncü səviyyə kimi qiymətləndiriblər və bununla da onu böyükmiqyaslı fəlakət kimi təsnif ediblər.
Şahidi olduğunuz hadisələri çəkib bizə göndərin!
Son Əlavə