Zaqatalada 34 yaşlı kişi dəm qazından boğularaq ölüb

Zaqatalada 34 yaşlı kişi dəm qazından boğularaq ölüb.

Hadisə bu gün səhər saatlarında rayonun Aşağı Tala kəndində baş verib. Bakı şəhər sakini 1991-ci il təvəllüdlü Sənan Oruc oğlu Məmmədovun meyiti bu gün səhər saatlarında qonaq gəldiyi əmisi oğlunun evinin hamam otağında aşkarlanıb.

İlkin məlumata görə, bayramı qeyd etmək üçün ailəsi ilə birlikdə kəndə qonaq gedən S.Məmmədov dəm qazından boğularaq ölüb.

Faktla bağlı Zaqatala Rayon Prokurorluğunda araşdırma aparılır.