Nanotexnologiyanın köməyi ilə dünyanın ən kiçik videooyunu hazırlanıb
Alimlər təxminən bir nanometr ölçüsündə olan nanozərrəcikləri idarə etməyə imkan verən unikal kompüter oyunu hazırlayıblar.
İxtira Yaponiyanın Nagoia Universitetinin elm adamlarına aiddir. Tədqiqat "Japanese Journal of Applied Physics" jurnalında dərc olunub.
Bildirilir ki, alimlər rəqəmsal obyektləri real nanomateriallarla real vaxt rejimində birləşdirən yeni "nano-qarışıq reallıq" (nano-mixed reality, MR) texnologiyasını işləyib hazırlayıblar. Onlar yüksəksürətli elektron şüalarından istifadə edərək dinamik elektrik sahələri yaradıb və nanozərrəciklərin hərəkətini idarə edə biliblər. Nümayiş məqsədilə klassik arkada tipli oyun hazırlanıb.
Burada oyunçu miniatür kosmik gəmini idarə edir və polistirol nanozərrəciklərə "atəş" açır, faktiki olaraq nano səviyyədə maddi obyektləri manipulyasiya edir.
Bu texnologiya təkcə oyunlarla məhdudlaşmır, həm də nanotexnologiya və biomedisin sahəsində yeni imkanlar aça bilər.
Alimlər onu biomolekulların yığılması, orqanizmdəki maddələrin dəqiq idarə edilməsi və hətta molekulyar səviyyədə 3D çapda inqilab üçün bir vasitə kimi qiymətləndirirlər.
"Təsəvvür edin ki, mürəkkəb obyektləri real vaxtda çap etmək və ya dərman maddələrini birbaşa virus hüceyrələrinə yönəltmək mümkündür. Bu, tibb və nanotexnologiyaya yanaşmanı kökündən dəyişə bilər," - deyə məqalədə vurğulanıb.
İxtira Yaponiyanın Nagoia Universitetinin elm adamlarına aiddir. Tədqiqat "Japanese Journal of Applied Physics" jurnalında dərc olunub.
Bildirilir ki, alimlər rəqəmsal obyektləri real nanomateriallarla real vaxt rejimində birləşdirən yeni "nano-qarışıq reallıq" (nano-mixed reality, MR) texnologiyasını işləyib hazırlayıblar. Onlar yüksəksürətli elektron şüalarından istifadə edərək dinamik elektrik sahələri yaradıb və nanozərrəciklərin hərəkətini idarə edə biliblər. Nümayiş məqsədilə klassik arkada tipli oyun hazırlanıb.
Burada oyunçu miniatür kosmik gəmini idarə edir və polistirol nanozərrəciklərə "atəş" açır, faktiki olaraq nano səviyyədə maddi obyektləri manipulyasiya edir.
Bu texnologiya təkcə oyunlarla məhdudlaşmır, həm də nanotexnologiya və biomedisin sahəsində yeni imkanlar aça bilər.
Alimlər onu biomolekulların yığılması, orqanizmdəki maddələrin dəqiq idarə edilməsi və hətta molekulyar səviyyədə 3D çapda inqilab üçün bir vasitə kimi qiymətləndirirlər.
"Təsəvvür edin ki, mürəkkəb obyektləri real vaxtda çap etmək və ya dərman maddələrini birbaşa virus hüceyrələrinə yönəltmək mümkündür. Bu, tibb və nanotexnologiyaya yanaşmanı kökündən dəyişə bilər," - deyə məqalədə vurğulanıb.
