Fevralın 7-də gecə saatlarında İsmayıllı rayonunun Quşencə kəndi ərazisində 54 yaşlı Arif Qarayev şəxsi münasibətlər zəminində aralarında yaranmış mübahisə zamanı 1993-cü il təvəllüdlü Kamal Şıxbalayevə bıçaqla xəsarət yetirib.
Hadisəyə səbəb Arif Qarayevin Kamal Şıxbalayevə məxsus kafeyə sərxoş halda gələrək səs-küy salması olub.
Kafe sahibi K.Şıxbalayev A.Qarayevi kafedən çölə çıxararkən söyüş söydüyü üçün onu vurub.
Bundan sonra A.Qarayev K.Şıxbalayevə bıçaqla zərbələr endirib.
Daxili İşlər Nazirliyinin Mətbuat Xidmətinin Şəki regional qrupundan Oxu.Az-ın sorğusuna cavab olaraq bildirilib ki, əməli törətməkdə şübhəli bilinən şəxs polis əməkdaşlarının keçirdikləri tədbirlərlə saxlanılıb. Müvafiq ekspertiza təyin olunub, araşdırmalar davam etdirilir.
Şahidi olduğunuz hadisələri çəkib bizə göndərin!
Son Əlavə