Perinatal Mərkəzin sabiq direktoru məhkəmədə ifadə verməkdən imtina etdi » Median.Az - Bütün xəbərlər bir ünvanda
13:15 ABŞ-nin strateji əhəmiyyətli hərbi bazasında gərginlik: Şlaqbaumu sındıran sürücü güllələndi  |     13:14 Ənvər Seyidov vəfat etdi  |     23:03 Böyük gəmilər sunami xəbərdarlığından sonra niyə limanları tərk edir?  |     22:56 “SpaceX” “Crew-11” missiyası çərçivəsində beynəlxalq astronavtları BKS-yə göndərib  |     22:50 Lavrov: ABŞ Ukraynanın Rusiya ilə danışıqlara razılaşmasına töhfə verib  |     22:44 Baş Şirvan kollektorunda iki nəfər boğulub  |     22:38 Laçında 1,4 milyonluq söküntü  |     22:33 "Google" ChatGPT dialoqlarınızı axtarış nəticələrinə çıxarır - Nələri bilməlisiniz?  |     22:26 Robot tarixdə ilk dəfə universitetə qəbul olundu  |     22:19 1724-cü ildə yerə düşən meteoritdə unikal xüsusiyyətlərə malik material tapıldı  |     22:13 Alimlər kartofun əcdadını tapdı - Gözlənilməz kəşf  |     22:08 Gecə baş verən təbii fəlakətlər niyə daha ölümcül olur?  |     21:59 "MoreCup"da 143 manatlıq oğurluğa görə 2,6 il həbs  |     21:54 Alman avtomobil sənayesi çöküş astanasında: Əfsanəvi brendlər niyə mövqelərini itirir?  |     21:48 Ev kirayəsi ilə bağlı dələduzluq halları artır: Nə etmək lazımdır? - Video  |     21:44 Azərbaycan güləşçisi dünya çempionatında finala yüksəlib  |     21:37 Paytaxtda təmir sexində güclü YANĞIN: Lüks avtomobil KÜLƏ DÖNDÜ - Video  |     21:30 BQXK-nın Azərbaycan Nümayəndəliyi fəaliyyətini sentyabrın əvvəlində dayandıracaq  |     21:24 AQTA bir sıra ölkələrin qida təhlükəsizliyinə nəzarət sisteminin ekvivalentliyini tanıyıb  |     21:18 Azərbaycan Qış İdman Növləri Federasiyası rusiyalı idmançının milliyə buraxılmamasına münasibət bildirib  |    

Perinatal Mərkəzin sabiq direktoru məhkəmədə ifadə verməkdən imtina etdi

Respublika Perinatal Mərkəzində baş verən yanğınla bağlı məhkəmə prosesi davam etdirilib.

Median.Az
"Report"a istinadən xəbər verir ki, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə təqsirləndirilən şəxs Mehriban Abasquliyevaya sərbəst ifadə verməyi təklif edib.

Təqsirləndirilənin vəkilləri isə müvəkkillərinin hazırkı mərhələdə ifadə vermək istəmədiyini bildiriblər.

Dövlət ittihamçısı Mehriban Abasquliyevanın ifadə vermək istəmədiyini ifadə verməmək kimi qiymətləndirib, onun ibtidai istintaqda verdiyi ifadəsini elan edib.

İttiham aktından məlum olub ki, Mehriban Abasquliyeva cəmi 11 ay Perinatal Mərkəzin direktoru işləyib. Ancaq vəkil Əliövsəd Abasov müvəkkilinin ibtidai istintaqda verdiyi sonuncu ifadəsinin elan olunmasını istəyib və hakim vəkilin təklifi ilə razılaşıb.

Məhkəmənin növbəti iclası fevral ayının 10-da keçiriləcək.

Qeyd edək ki, ötən il yanvarın 9-da "Respublika Perinatal Mərkəzi" publik hüquqi şəxsin inzibati binasında baş vermiş yanğınla bağlı Baş Prokurorluqda Cinayət Məcəlləsinin müxtəlif maddələri ilə cinayət işi başlanaraq ibtidai istintaqın aparılması Baş Prokurorluğun İstintaq İdarəsinə tapşırılıb.

İstintaqla müəyyən olunub ki, Mərkəzin Anesteziologiya, reanimasiya və intensiv terapiya şöbəsinin Yenidoğulmuşların intensiv terapiya bölməsinin yerləşdiyi dördüncü mərtəbədəki palatasında baş vermiş yanğın nəticəsində yeddi yenidoğulmuş ölüb, dörd nəfər xəsarət alıb, müəssisəyə isə ümumilikdə 361 min manat məbləğində maddi ziyan vurulub.

Bundan başqa, Mehriban Abasquliyevanın 2022-ci il dekabrın 27-də mərkəzin direktoru təyin edilməsindən sonra müəssisənin tibbi təminat resursları və potensialını nəzərə almadan xəstə qəbulu sayını iki dəfəyədək artırması nəticəsində müəssisənin elektrik təsərrüfatının artıq yüklənərək sonda yanğına səbəb olmasına əsaslı şübhələr müəyyən edilib.

Eyni zamanda, istintaqla Fövqəladə Hallar Nazirliyi (FHN) tərəfindən mərkəzdə yoxlamalar aparılaraq yanğın təhlükəsizliyi qaydaları, xüsusən də mövcud avtomatik yanğın xəbərverici siqnalizasiya qurğusunun nasazlığı, daxili yanğın su kranlarının işlək olmaması və elektrik təsərrüfatında nöqsanların olması mərkəzin rəhbərliyinə bildirilsə də, direktor və mərkəzin Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədlinin nöqsanları aradan qaldırmamalarına əsaslı şübhələr müəyyən edilib.

Mərkəzin direktoru vəzifəsində işləmiş Mehriban Abasquliyeva Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri, həmin mərkəzin şöbə rəisləri vəzifəsində işləmiş Hamlet Mustafayev və Elnur Əhmədli isə Cinayət Məcəlləsinin 225.3-cü maddəsi ilə təqsirləndirilən şəxs qismində cəlb edilərək onlara həmin maddələrlə nəzərdə tutulan ittiham elan edilib.скачать dle 11.3




Şahidi olduğunuz hadisələri çəkib bizə göndərin!




            975 13.01.25 15:19