Gəncədə sərnişin avtobusu qəzaya düşdü: Xəsarət alanların adları AÇIQLANDI (YENİLƏNİB)

Bu gün saat 14:00-da Gəncədə Nərimanov prospektində sərnişin avtobusu ilə minik avtomobilinin toqquşması nəticəsində üç nəfər xəsarət alıb.

Oxu.az-ın əldə etdiyi məlumata görə xəsarət alanlar 1966-cı il təvəllüdlü Ç.Babayeva, 2005-il təvəllüdlü N. İbrahimova və 1968-ci il təvəllüdlü S. Fərzəliyevadır. Onların hər üçünün avtobusda olan sərnişinlər olduğu bildirilir.

Hadisə yerinə Gəncə Şəhər Baş Polis İdarəsinin əməkdaşlarının cəlb olunduğu və sərnişinlərə köməklik göstərildiyi qeyd olunub.

* * * * *

Gəncədə yol-nəqliyyat hadisəsi baş verib.

APA-nın məlumatına görə, hadisə şəhər ərazisində qeydə alınıb.

Hərəkətdə olan "Mercedes-Benz" markalı maşınla "Isuzu" markalı sərnişin avtobusu toqquşub.

Qəza zamanı iki nəfər - "Mercedes"in sürücüsü və sərnişinlərdən biri xəsarət alıblar. Onlar xəstəxanaya yerləşdiriliblər, vəziyyətlərinin kafi olduğu bildirilir.

Faktla bağlı araşdırma aparılır.