Rusiyada fırıldaqçılar ölən adamın hesabından pul oğurladılar.
Median.Az Baza Telegram kanalına istinadən xəbər verir ki, Moskvanın mərhum sakini olan rusiyalı Anatoliyin eSIM kartını bərpa edən dələduzlar onun hesabından 1,2 milyondan çox rubl oğurlayıblar.
Onun qohumları isə oğurluq hadisəsindən yalnız yarım il sonra xəbər tutublar.
Məlumata görə, Anatoliy 2024-cü ilin yazında vəfat edib. Pul oğurluğunu isə onun həyat yoldaşı aşkarlayıb. Onun sözlərinə görə, naməlum şəxslər mərhum ərinin kartından 1 271 700 rubl çıxarıblar. Qadın bankdan çıxarışları tələb edib və sənədlər sayəsində ərinin ölümündən bir həftə sonra naməlum şəxslərin eSIM vasitəsilə onun hesabına daxil ola bildiklərini öyrənib.
Dələduzlar Anatoliyin pasport məlumatlarını əldə edərək "Baumanskaya" metro stansiyasındakı rabitə salonuna gediblər və eSIM-in dublikatını rəsmiləşdiriblər, bu dublikat vasitəsilə də pulu çıxarıblar.
Şahidi olduğunuz hadisələri çəkib bizə göndərin!
Son Əlavə