Rusiyada məktəbli qız anasının telefonundan dələduzlara yarım milyon rubl köçürüb

Rusiyanın Sverdlovsk vilayətində yeniyetmə qız məktəbdən gələn zəngə inanaraq anasını pulsuz qoyub.

Median.Az Gazeta.ru-ya istinadla xəbər verir ki, naməlum şəxslər 14 yaşlı qızla məktəb işçisi adından əlaqə saxlayıblar.

Dələduzlar elektron gündəliklərin yoxlanıldığını bildirərək uşağı SMS mesajından gələn kodu diktə etməyə inandırıblar. Yetkinlik yaşına çatmayan qız kodu dedikdən sonra ona başqa bir zəng gəlib. Bu zəngdə ona ilk zəng edənin dələduz olduğu və onun anasının şəxsi məlumatlarına giriş əldə edildiyi bildirilib.

Nəticədə qız anasının hesabındakı bütün pulları cinayətkarların göstərdiyi rekvizitlərə köçürüb. Ümumi zərər yarım milyon rubl təşkil edib.