"Real"ın keçmiş futbolçusu Argentina klubunun baş məşqçisi olub

İspaniyanın "Real" klubunun keçmiş yarımmüdafiəçisi Fernando Qaqo Argentina təmsilçisi "Boka Xuniors"un baş məşqçisi olub.

Bu barədə Cənubi Amerika ölkəsinin mətbuat xidməti məlumat yayıb.

38 yaşlı məşqçi 2020-ci ildə futbolçu karyerasını başa vurub. Onun son iş yeri Meksikanın "Qvadalahara" klubu olub.

Qeyd edək ki, F.Qaqo "Real"ın heyətində iki dəfə İspaniya çempionu (2006/2007 və 2008/2009 mövsümləri) olub, həmçinin 2008-ci ildə İspaniya Kubokunu və Superkubokunu qazanıb. Keçmiş yarımmüdafiəçi peşəkar futbolçu karyerasına məhz "Boka Xuniors" klubunda başlayıb.