İlham Əliyev, Vladimir Putin və Nikol Paşinyanın görüşü baş tutacaqmı?

"Azərbaycan lideri İlham Əliyev, Rusiya Prezidenti Vladimir Putin və Ermənistan hökumət başçısı Nikol Paşinyan hələlik Bakı və İrəvan arasındakı münaqişənin həlli üçün üçtərəfli görüş keçirməyi planlaşdırmırlar".

Bu barədə jurnalistlərə açıqlamasında Rusiya prezidentinin köməkçisi Yuri Uşakov bəyan edib.

"Xeyr, üçtərəfli görüş barədə razılıq əldə olunmayıb. Belə bir ideya var idi, lakin o, bəziləri tərəfindən dəstəklənmədi", - deyə o, müvafiq suala cavab olaraq bildirib.

Uşakovun sözlərinə görə, Rusiya bu formatın əleyhinə deyildi.