Populyar oyunda qazanılan kriptovalyuta birjada satışa çıxacaq

Dünyanın ən böyük kriptovalyuta birjası olan "Binance" Hamster Kombat oyununun HMSTR tokeninin siyahısını açıqlayıb.

Median.Az RBC.ru-ya istinadən xəbər verir ki, sentyabrın 26-dan etibarən Hamster Kombat kriptovalyutası ilə birja ticarəti başlayacaq.

Qeyd edək ki, bu rəqəmsal pulu oyunu oynayarkən və ekrana tıklamaqla qazanmaq mümkündür.

Xatırladaq ki, Hamster Kombat "Telegram"da "kliklər" kateqoriyasına aid mini proqram şəklində bir oyundur. Burada şəkil olan düyməni basmaqla oyundaxili sikkələr qazanmaq olar. Bonuslar da mövcuddur və bunları "YouTube"da oyun videolarına baxaraq və yeni istifadəçilər cəlb etməklə əldə etmək mümkündür.

Tərtibatçılar deyirlər ki, avqustun əvvəlində proqram istifadəçilərinin sayı 300 milyonu keçib və oyunun "Telegram" kanalında 52 milyondan çox abunəçi var.скачать dle 11.3

Şahidi olduğunuz hadisələri çəkib bizə göndərin!