Azərbaycanda qiymətləndiricilər üçün keçiriləcək ixtisas imtahanının vaxtı açıqlanıb » Median.Az - Bütün xəbərlər bir ünvanda
23:05 "Qızımı pul qarşılığında manyak qaçırıb" - Bakıda ŞOK OLAY  |     22:57 Azərbaycanda traktor istehsalı 12 faizdən çox aşağı düşüb  |     22:51 “OpenAI” “ChatGPT” mobil tətbiqindən nə qədər qazanır? - Açıqlandı  |     22:44 “Amazon”da ən çox rast gəlinən 5 fırıldaq  |     22:38 Köhnə "İPhone" satmaq əvəzinə necə təhlükəsizlik kamerasına çevirə bilərik?  |     22:30 Rusiyada 5,3 maqnitudada zəlzələ baş verib  |     22:25 Sumqayıtda avtomobilin vurduğu piyada xəstəxanada ölüb  |     22:19 “Şamaxı” klubu yeni məşqçilərlə anlaşıb  |     22:11 Pezeşkian avqustun 18-də Ermənistana rəsmi səfər edəcək  |     22:04 Putin Trampla Alyaskadakı sammitdən sonra iclas keçirib  |     21:59 Dünyanın ən gözəl qadınlarından biri qalmaqala səbəb oldu  |     21:50 Avropa liderləri Ukraynaya görə toplanır  |     21:45 “Qalatasaray” Ederson üçün təklif göndərdi  |     21:39 Bakıda psixoloq estetik əməliyyatın qurbanı oldu  |     21:33 Əri vasitəsilə Putinə məktub göndərdi  |     21:24 Türkiyədə yanğına görə kənd sakinləri təxliyə edilib  |     20:40 Putin: "Alyaskada baş tutan danışıqlar bizi lazımi qərarlara yaxınlaşdırır"  |     20:13 Ərdoğan Alyaska sammitinə münasibət bildirdi  |     20:05 Uşağını göstərmədiyi üçün keçmiş arvadına aliment ödəmədi - HƏBS EDİLDİ  |     19:58 Allahverdi Yolçuyev: "Əliqismət Lalayev dedi ki, Xalq artisti olsaydın, səni işə götürərdim"  |    

Azərbaycanda qiymətləndiricilər üçün keçiriləcək ixtisas imtahanının vaxtı açıqlanıb

Oktyabrın 27-də Azərbaycanda qiymətləndirmə fəaliyyəti ilə məşğul olmaq istəyən şəxslər üçün ixtisas imtahanı keçiriləcək.

Bu barədə “Report”a Azərbaycan Qiymətləndiricilər Cəmiyyətinin (AQC) sədri, Türk Dövlətləri Qiymətləndiricilər Birlikləri Şurasının prezidenti Vüqar Oruc bildirib.

Onun sözlərinə görə, imtahanda iştirak etmək istəyən namizədlər əvvəlcə Dövlət İmtahan Mərkəzinin (DİM) internet saytında “Şəxsi kabinet” yaratmalı və 11 sentyabr saat 12:00-dan 7 oktyabr saat 23:59-dək qeydiyyatdan keçməlidirlər.

“DİM AQC-də təmsil olunan İqtisad Universiteti və digər ali tədris müəssisələrinin mütəxəssislərindən ibarət Ekspertlər Şurası tərəfindən hazırlanmış tədris proqramı ilə bu imtahana start verib. Tədris proqramı DİM-in saytında qeyd olunub və 9 istiqamət üzrə müddəaları əhatə edir. Bu istiqamətlərdə müəyyən olunmuş proqrama uyğun şəkildə sual bankı yaradılır. Hazırda mütəxəssislərimiz tərəfindən sual bankı formalaşdırılır və bu proses bitdikdən sonra imtahan keçiriləcək”.

V. Oruc bildirib ki, imtahanı uğurla keçən iddiaçılara qiymətləndirici şəhadətnaməsi veriləcək: “İmtahanda 30 sual olacaq və maksimum nəticə 60 baldır. 60 baldan 30 və ya daha çox bal toplayanlar qiymətləndirici şəhadətnaməsini alacaqlar. Daha sonra Qiymətləndiricilər Palatası formalaşdırılacaq. Palata həmin imtahandan keçmiş minimum 15 qiymətləndirici tərəfindən təşkil olunacaq. “Qiymətləndirmə fəaliyyəti haqqında” Qanuna uyğun olaraq, Palata üzvlərindən sədr, müavinlər və rəyasət heyətinin üzvləri seçiləcək. Beləliklə, qiymətləndirmə sektoruna rəhbərlik Qiymətləndiricilər Palatası vasitəsilə aparılacaq”.

Qeyd edək ki, “Qiymətləndirmə fəaliyyəti haqqında” Qanuna və Nazirlər Kabinetinin 2024-cü il 20 may tarixli 267 nömrəli Qərarına əsasən, ölkəmizdə qiymətləndirmə fəaliyyəti ilə məşğul olmaq istəyən şəxslər üçün ixtisas imtahanlarının təşkili və keçirilməsi, qiymətləndiricinin ixtisas şəhadətnaməsinin verilməsi DİM tərəfindən həyata keçirilir. Qiymətləndirmə fəaliyyəti ilə məşğul olmaq istəyən şəxslər ali təhsilə və 3 ildən az olmayan iş stajına malik olmalı, ixtisas imtahanını müvəffəqiyyətlə verməli və Qiymətləndiricilər Palatasının üzvü olmalıdır. İxtisas imtahanı yuxarıda qeyd olunmuş 9 istiqamət üzrə 27 oktyabr 2024-cü il tarixində DİM-in elektron imtahanlar korpusunda (Bakı şəhəri, Binəqədi rayonu, S.S.Axundov küçəsi, 108, TÜRKPA-nın yanı) kompüterlər vasitəsilə keçiriləcək.скачать dle 11.3




Şahidi olduğunuz hadisələri çəkib bizə göndərin!




            657 12.09.24 21:10