Ermənistanda partlayış: Ölən və yaralananlar var

Ermənistanın ən böyük istilik elektrik stansiyası olan Razdan İstilik Elektrik Stansiyasının ərazisindəki zavodda baş vermiş partlayış nəticəsində azı bir nəfər ölüb, beş nəfər yaralanıb.

Median.Az TASS-a istinadən xəbər verir ki, bu barədə respublikanın Daxili İşlər Nazirliyinin Mətbuat Xidmətindən məlumat verilib.

Xilasedicilərin sözlərinə görə, partlayışdan sonra altı nəfər xəstəxanaya yerləşdirilib, onlardan biri daha sonra xəstəxanada ölüb.