Qusar rayonunda 56 yaşlı şəxs evlənmək təklif etdiyi qadın salamını almadığı üçün ona qarşı nalayiq ifadələr işlədib və saxlanılıb.

"Qaynarinfo"nun məlumatına görə, 1968-ci ildə Qusar rayonunun Urva kəndində anadan olmuş C.N. barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilərək baxılması üçün məhkəməyə göndərilib.

Məhkəmədə məlum olub ki, C.N. dəfələrlə X.O.-ya evlənmək təklif edib, amma "yox" cavabını alıb. C.N. yenidən qadına yaxınlaşaraq salam verib, X.O. isə salamını almayıb. Bu səbəbdən qadına etiraz edib.

Daha sonra təqsirləndirilən şəxs içkili halda X.O.-nun yaşadığı evin hasarına çıxaraq onu çağırıb, nalayiq ifadələrlə təhqir etməyə başlayıb. Bu səbəbdən qadın polisə şikayət edib.

Məhkəmənin qərarı ilə C.N. 10 gün müddətə inzibati həbs edilib.скачать dle 11.3