Qadını fotolarla şantaj etməkdə şübhəli bilinən şəxs saxlanılıb

İyulun 28-də bir qadının şəkillərinin sosial şəbəkədə paylaşılaraq nalayiq ifadələr yazılması və silinməsi müqabilində ondan pul tələb edilməsi barədə polisə məlumat daxil olub.

Bu barədə Daxili İşlər Nazirliyinin Mətbuat Xidməti məlumat yayıb.

Xətai Rayon Polis İdarəsinin (RPİ) 34-cü Polis Şöbəsinin əməkdaşlarının keçirdikləri tədbirlərlə hədə-qorxu ilə tələb etmədə şübhəli bilinən A.Ağayev müəyyən olunaraq saxlanılıb.

Xətai RPİ-də araşdırma aparılır.