ABŞ Prezidenti Co Baydenin Çinin ChatGPT kimi süni intellekt sistemlərinin proqram təminatına çıxışını məhdudlaşdırmağı nəzərdən keçirdiyi açıqlanıb.

Median.Az Qərb mətbuatına istinadən xəbər verir ki, bu barədə ABŞ-nin Reuters xəbər agentliyinə danışan mənbələr məlumat verib.

Məsələ ilə tanış olan üç mənbə bildirib ki, ABŞ Ticarət Departamenti proqram təminatı və məlumatları gizli saxlanılan özəl və ya qapalı mənbəli süni intellekt modellərinin ixracını məhdudlaşdırmaq üçün yeni tənzimləməni nəzərdən keçirir.

Birləşmiş Ştatlar son iki il ərzində Çinin hərbi məqsədlər üçün ən son texnologiya inkişafını ləngitmək məqsədilə Çinə qabaqcıl süni intellekt çiplərinin ixracını əngəlləmək üçün bir neçə addım atıb.

ABŞ Ticarət Nazirliyi mövzu ilə bağlı suallara cavab verməyib. Çinin Vaşinqtondakı səfirliyi də sualları hələ cavablandırmayıb.

Microsoft tərəfindən dəstəklənən OpenAI şirkəti Alphabet-in Google DeepMind və ən güclü qapalı mənbəli süni intellekt modellərini hazırlamış rəqib Anthropic kimi ABŞ-nin süni intellekt nəhənglərinə hökumət nəzarəti olmadan proqram təminatını dünyada hər kəsə satmaqdan heç nə mane olmur.

Hökumət və özəl sektor tədqiqatçıları ABŞ-nin rəqiblərinin kiberhücumlar və güclü bioloji silahlar istehsal etmək üçün süni intellekt modellərindən istifadə edə biləcəyindən narahatdırlar.
//azxeberскачать dle 11.3