Noyabrın 20-dən dekabrın 17-dək dünyada koronavirusa yoluxma halları əvvəlki dörd həftə ilə müqayisədə 52% artıb. Ən çox yoluxma halı isə Azərbaycanla sərhəd Rusiyada müəyyən edilib - 279 359. Bununla belə, COVID-19-dan ölüm dünyada 8% azalıb.

Bu barədə Ümumdünya Səhiyyə Təşkilatı (ÜST) məlumat verib.

Bildirilir ki, dörd həftə ərzində dünyada 854 673 yoluxma və 3 005 ölüm faktı qeydə alınıb.

ÜST məlumatları yoluxma və ölüm hallarının regionlar üzrə fərqli mənzərəsini nümayiş edir.

Belə ki, Cənub-Şərqi Asiyada yeni koronavirus hadisələrinin sayı dörd həftə ərzində 388%-dən, ölümlər isə üç dəfədən çox artıb. Afrikada xəstəlik 77% artıb, ölüm halları isə 50% azalıb. Avropada xəstəlik 54%, ölüm halları 14% artıb. Eyni zamanda, Amerika regionunda xəstələnmə 23%, ölüm faktları isə 48% azalıb. Şərqi Aralıq dənizində xəstələnmə sayında 51%, ölüm sayında isə 65% azalma var.

Rusiya Federasiyasından başqa, ən çox koronavirusa yoluxma hallarının qeydə alındığı ilk beş ölkəyə Sinqapur (120 898), İtaliya (114 795), Polşa (39 828) və Avstraliya (39 505) daxildir. Ən çox ölüm halı İtaliyada qeydə alınıb - 510. Sonrakı yerdə İsveç (396), Rusiya (376), Avstraliya (211) və Polşa (141) gəlir.

Mənbə: TASSскачать dle 11.3