Vətən müharibəsində yaralanan, habelə xərçəng xəstəliyindən əziyyət çəkən qazimiz Ağayev Qəzənfər Mahmud oğlu “YAŞAT” Fondu tərəfindən 26 sentyabr 2021-ci il tarixində Türkiyə Respublikasına göndərilib.
Fonddan Oxu.Az-a bildirilib ki, müayinələrin nəticəsinə əsasən həkimlər tərəfindən ölkəmizdə aparılan müalicənin effektiv nəticə verməsi bildirilib və hazırda onda xərçəng hüceyrələri aşkar edilmədiyi barədə rəy verilib.
Eyni zamanda şəxs dərman vasitələri ilə də təmin edilib. Xəstəliyin yenidən yaranıb-yaranmamasını yoxlamaq məqsədi ilə dörd ay sonra müayinə edilməsi üçün qazinin Türkiyəyə göndərilməsi məqsədəuyğun görülüb.
Fərmanla “YAŞAT” Fondu şəhid ailələrinin və hərbi əməliyyatlar nəticəsində əlilliyi müəyyən olunmuş şəxslərin sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi istiqamətində işlər görür.
Xatırladaq ki, “YAŞAT” Fonduna müraciət etmək və fondun fəaliyyəti ilə tanış olmaq üçün yashat.gov.az portalı istifadədir.
Həmçinin Fondun 8110 “Çağrı” Mərkəzi fəaliyyət göstərir.
Şahidi olduğunuz hadisələri çəkib bizə göndərin!
Son Əlavə